Albania News Agency

Kryeministri i Malit të Zi, Milojko Spajic, bëri një deklaratë lidhur me aktivitetin e pastrimit të detit dhe të nëndetit të zhvilluar në Gjirin e Bokës së Kotorrit.

Spajic tha se aktiviteti, i organizuar me mbështetjen e Delegacionit të Bashkimit Evropian dhe Komisioneres së BE-së Marta Kos, ishte aksioni më i madh i pastrimit të detit i zhvilluar ndonjëherë në rajon.

Ai bëri të ditur se në aktivitet morën pjesë rreth 500 zhytës, studentë, vullnetarë, përfaqësues institucionesh, organizata të shoqërisë civile dhe anëtarë të komuniteteve lokale, duke shtuar se Gjiri i Bokës së Kotorrit është një nga zonat e propozuara për t'u përfshirë në rrjetin Natura 2000.

Spajic theksoi se në gji ndodhen habitate të mbrojtura dhe monumente natyrore dhe se mbrojtja e tyre është përgjegjësi e përbashkët e të gjithëve.