Albania News Agency

Sybiha theksoi se gjatë 24 orëve të fundit Rusia ka sulmuar Ukrainën me rreth 700 mjete ajrore pa pilot, si dhe me shumë raketa balistike dhe lundruese.

Ai nënvizoi se sulmet kanë shënjestruar kryesisht civilët, duke shtuar se në Kiev kanë humbur jetën të paktën 4 persona, përfshirë një fëmijë 12-vjeçar, dhe mbi 50 persona janë plagosur. Në Odesa kanë vdekur 8 persona, në Dnipro 3 persona, ndërsa shumë të tjerë janë plagosur. Në Zaporizhzhia është raportuar gjithashtu 1 viktimë.

Sybiha theksoi se këto sulme nuk mund të normalizohen: “Këto janë krime lufte që duhet të ndalen dhe autorët duhet të mbajnë përgjegjësi.”

Ai i bëri thirrje komunitetit ndërkombëtar të rrisë presionin ndaj Rusisë, duke theksuar se sanksionet dhe paketat e mbështetjes për Ukrainën nuk duhet të vonohen.

Sybiha gjithashtu u bëri thirrje shteteve të njoftojnë Këshillin e Evropës dhe të bashkohen me gjykatën speciale për krimin e agresionit kundër Ukrainës.