Albania News Agency

Zëvendëskryeministri i Italisë dhe ministri i Punëve të Jashtme dhe Bashkëpunimit Ndërkombëtar, Tajani, u takua me kryeministrin e Rajonit të Kurdistanit të Irakut dhe liderin e Partisë Demokratike të Kurdistanit, Masrour Barzani.

Duke theksuar se po punohet për forcimin e partneritetit ekonomik duke shfrytëzuar ekspertizën e partnerëve të biznesit dhe bashkëpunimin në fushën e mbrojtjes, Tajani deklaroi: “Aktualisht në rajon janë të dislokuar mbi 400 ushtarë italianë për të luftuar ISIS-in dhe për të garantuar sigurinë”.

Tajani bëri të ditur se me Barzanin kanë diskutuar edhe stabilitetin e Sirisë dhe tha: “Italia mbështet një tranzicion politik paqësor dhe gjithëpërfshirës në Siri me pjesëmarrjen e të gjitha grupeve të shoqërisë siriane. Integrimi i komponentit kurd në Sirinë e re është një element thelbësor”.