Albania News Agency

Presidenti i Ukrainës, Zelenski, njoftoi në rrjetet sociale se forcat ukrainase kanë kryer sulme ndaj 16 objektivave në Rusi brenda 24 orëve.

Zelenski tha se, përveç objekteve të naftës, në sulme u vunë në shënjestër baza ajrore, një njësi raketore dhe infrastruktura që, sipas tij, përdorej për sulme ndaj Ukrainës.

Udhëheqësi ukrainas bëri të ditur gjithashtu se janë kryer sulme ndaj një ndërmarrjeje ushtarake dhe infrastrukturës logjistike të Rusisë.

Zelenski theksoi rëndësinë e goditjes së sektorit të naftës, të cilin ai pretendon se Rusia e përdor për financimin e luftës, duke thënë: “Lufta duhet të kthehet atje nga erdhi”.

Zelenski deklaroi se Ukraina po u përgjigjet sulmeve të Rusisë dhe se synojnë të rrisin koston e luftës për Rusinë dhe të zvogëlojnë kapacitetin e saj për të kryer sulme.