Albania News Agency

Presidenti i Ukrainës Volodimir Zelenski tha se vetëm këtë javë Rusia ka përdorur mbi 3 mijë dronë, më shumë se 1.450 bomba ajrore të drejtuara dhe 40 raketa të llojeve të ndryshme kundër qyteteve dhe vendbanimeve.

Zelenski tha: “Rusët nuk po i zvogëlojnë përpjekjet e tyre të luftës kundër shtetit dhe popullit tonë dhe në të njëjtën kohë po investojnë hapur në zgjatjen e një lufte tjetër që ushqen paqëndrueshmërinë globale.”

“Është shumë e rëndësishme që bota të mos humbasë kohë dhe mundësi.” Zelenski theksoi se nevojiten përpjekje të qarta, vendimtare dhe të koordinuara për të mbrojtur realisht jetën dhe për të ndalur luftërat. Ai shtoi se duhet të ndërtojnë partneritete të provuara në luftë dhe sisteme moderne mbrojtjeje, duke thënë:

“Duhet të zhvillojmë prodhimin e përbashkët të armëve moderne dhe efektive. Duhet të bashkojmë kapacitetet tona në mënyrë që njerëzit të jetojnë në paqe në Evropë, Lindjen e Mesme dhe rajone të tjera të botës.”