Albania News Agency

Presidenti i Ukrainës, Volodimir Zelenski, deklaroi se që nga mbrëmë Rusia po ndërmerr një sulm të gjerë ndaj Ukrainës. Ai tha se objektivat kryesore janë sektori i energjisë dhe infrastruktura civile dhe se janë ngritur në ajër mbi 650 mjete ajrore pa pilot (dronë).

Zelenski gjithashtu theksoi se janë përdorur mbi 30 raketa dhe u shpreh:

“Deri në këtë moment, paralajmërimet për sulm ajror vazhdojnë të jenë në fuqi në pjesën më të madhe të Ukrainës. Ndërkohë, të gjitha shërbimet e nevojshme janë mobilizuar për t’u përballur me pasojat pas sulmit. Fatkeqësisht, pati humbje jete.

Në rajonin e Kievit, një grua u vra nga një dron rus. Në rajonin e Khmelnytskyi u njoftua se një person ka humbur jetën. Në rajonin e Zhytomyr-it, si pasojë e goditjes së një droni rus në një ndërtesë banimi, humbi jetën një fëmijë katërvjeçar.”