Albania News Agency

Presidenti i Ukrainës, Volodymyr Zelensky, deklaroi se rreth 120 klerikë kanë humbur jetën si pasojë e sulmeve të Rusisë që kanë shënjestruar klerikë, kisha dhe institucione të tjera fetare.

Zelensky bëri të ditur se rreth 800 objekte fetare janë shkatërruar ose dëmtuar, përfshirë ndërtesa me një histori mijëravjeçare. Ai theksoi se këto objekte janë dëmtuar nga sulmet me dronë, raketa lundruese dhe raketa balistike. Zelensky nënvizoi se këto humbje kanë rëndësi të madhe jo vetëm nga pikëpamja materiale, por edhe për trashëgiminë kulturore, historinë, artin dhe arkitekturën.