Albania News Agency

Sipas BBC-së, zjarri në Wang Fuk Court është përhapur edhe në godinat përreth. Dyshohet se flakët janë përhapur nga skelat e bambusë së vendosura jashtë ndërtesave. Ekipet e emergjencës u dërguan menjëherë në vendngjarje. Në kompleks jetojnë rreth 4 600 persona dhe ka afërsisht 2 000 apartamente.

Sipas qeverisë së Hong Kongut, zjarri shpërtheu në orën 14:51 sipas kohës lokale.

Për shkak të zjarrit, një pjesë e autostradës Tai Po u mbyll dhe autobusët u devijuan.

Dy blloqe pranë kompleksit u evakuuan nga policia dhe u ngrit një linjë ndihme për informim mbi viktimat.

Ish-këshilltari lokal Herman Yiu Kwan-ho tha se të paktën 13 persona janë ende të bllokuar në godinat që digjen.

Autoritetet konfirmuan se niveli i alarmit të zjarrit është rritur në nivelin më të lartë – 5.

Sipas South China Morning Post, 13 persona kanë vdekur dhe të paktën 16 të tjerë janë plagosur rëndë. Njëri prej viktimave është zjarrfikës.

Për shuarjen e zjarrit u angazhuan 128 automjete zjarrfikëse, 57 ambulanca, 767 zjarrfikës dhe 400 policë.

Këtë vit ka pasur disa zjarre në skela bambuje, ku të paktën pesë persona kanë humbur jetën. Është bërë thirrje për një hetim të plotë të shkaqeve.