Albania News Agency

Sipas një njoftimi të Ministrisë së Punëve të Jashtme të Katarit, kryeministri dhe ministri i Jashtëm Sheik Mohammed bin Abdulrahman bin Jassim Al-Thani nënshkroi dokumentin për anëtarësimin e Shtetit të Katarit në Këshillin e Paqes.

Në ceremoni morën pjesë presidenti i SHBA-së Donald Trump, si dhe shumë liderë dhe përfaqësues të vendeve anëtare. Kryeministri dhe ministri i Jashtëm Al-Thani, së bashku me ministrat e jashtëm të shtatë vendeve arabe dhe islame, deklaruan se mirëpresin ftesën e presidentit amerikan drejtuar liderëve të vendeve të tyre për t’u bashkuar me Këshillin e Paqes.

Në deklaratë u konfirmua vendosmëria e vendeve për të mbështetur zbatimin e misionit të Këshillit si një organ i përkohshëm, i parashikuar në planin gjithëpërfshirës për përfundimin e konfliktit në Gaza dhe të miratuar me Rezolutën 2803 të Këshillit të Sigurimit të OKB-së.