Albania News Agency

Përmbytjet goditën dhjetë provinca në jug të vendit javën e kaluar. Qyteti Hat Yai, një qendër tregtare pranë kufirit me Malajzinë, regjistroi 335 mm reshje – më të lartat në 300 vjet.

Reshjet e pandalshme goditën edhe vendet fqinje. Në Vietnam, numri i viktimave u rrit në 91 brenda një jave, ndërsa në Malajzi mbi 19 000 persona u detyruan të largohen nga banesat e tyre.

Ushtria tajlandeze, e cila është përgjegjëse për menaxhimin e krizës, deklaroi se po përgatitej të dërgonte një aeroplanmbajtëse të ngarkuar me ndihma, si dhe një flotë prej 14 varkash dhe kuzhina fushore që mund të përgatisin deri në 3 000 vakte në ditë.

Marina tha se ekipet mjekësore në aeroplanmbajtëse do të mund ta kthenin atë në një “spital lundrues” nëse do të ishte e nevojshme.

Në Malajzi, mbi 19 000 persona u evakuuan në zona të sigurta dhe në rajonet veriore kufitare u hapën 126 qendra evakuimi.

Në shtetet Kelantan dhe Perlis, ekipet e shpëtimit ecën në ujë deri në gju për të shpëtuar banorët e zonave ku niveli i ujit bllokoi rrugët.